علاقتي في اخواني ضعيفه

بدخل في الموضوع على طول انا عندي اخت وثلاث اخوان وانا الاوسطانيه بينهم مافي ولا واحد فيهم احسه قريب مني او اقدر اخذ راحتي بالكلام معه أو إذا صار لي شيء احكيه عنه بعدها امي صارحتني ان اخوي الصغير يحسب اني اكرهه لاني ما اعطيه على جوه انا ماكنت اعرف ان وضعي مو طبيعي الا يوم كلمتني عن الموضوع وحسيت لازم احط حل للموضوع ف احيانا ما الاقي رد للي يقولونه وما احس اني اخذ راحتي الكفايه معهم واكتشفت ان حتى الناس الي برا كذا معهم اكون حذره جدا وانتبه لكل نظره او زلت لسان او اي شي واتحسس منه انا ما علي من الناس الي برا بس ما ودي علاقتي باخواني تكون كذا ودي اني اسولف واخذ واعطي معهم بس احس فيه حاجز انا حاطته ومو قادره اطلع منه امي تقول اني حاطه نفسي في قوقعه وما ارضى ان احد يحاول يتقرب مني الي عنده حل يعطيني عارفه ان مصيري انا واخواني كل واحد يصير عنده بيت وعائله ودي استغل هذا الوقت واكون قريبه منهم ونمون على يعض حتى اختي الوحيده ما احس ان علاقتي فيها مره ومره حزنت يوم امي نبهتني ومو عارفه وش اسوي وكيف اخرج من القوقعة هذي